72 дугаар зүйл. Саналын хуудсыг хүчингүйд тооцох
72.1.Тойрогт ногдсон мандатын тооноос илүү, эсхүл дутуу нэр дэвшигчийн төлөө санал тэмдэглэсэн, нам, эвслийн санал тэмдэглэх хэсэгт нэгээс илүү нам, эвсэлд санал тэмдэглэсэн саналын хуудсыг хүчингүйд тооцно. /Энэ хэсгийн “... дутуу ...” гэснийг Үндсэн хуулийн цэцийн 2025 оны 03 дугаар сарын 28-ны өдрийн 04 дүгээр дүгнэлтээр 2025 оны 3 дугаар сарын 28-ны өдрөөс эхлэн түдгэлзүүлсэн./ /Энэ хэсгийн “... дутуу ...” гэснийг Үндсэн хуулийн цэцийн 2025 оны 03 дугаар сарын 28-ны өдрийн 04 дүгээр дүгнэлтээр Үндсэн хууль зөрчсөн байна гэснийг Улсын Их Хурлын 2025 оны 09 дүгээр сарын 26-ны өдрийн 93 дугаар тогтоолоор хүлээн зөвшөөрөх боломжгүй гэж үзсэн./ /Энэ хэсэгт 2023 оны 06 дугаар сарын 16-ны өдрийн хуулиар нэмэлт оруулсан./
72.2.Баталсан загвар, шаардлагыг хангаагүй саналын хуудас хүчингүй байх бөгөөд хүчингүй саналын хуудсаар санал авах, өгөхийг хориглоно.