12 дугаар зүйл. Тур операторын бүртгэл
12.1.Энэ хуулийн 6.4-т заасны дагуу нийтийн эрх зүйн хуулийн этгээд тур операторыг дараах ангиллаар бүртгэнэ:
12.1.1.Монгол Улсаас бусад улс руу хийх аялал жуулчлалын үйлчилгээ;
12.1.2.бусад улсаас Монгол Улс руу хийх аялал жуулчлалын үйлчилгээ;
12.1.3.энэ хуулийн 12.1.1, 12.1.2-т заасан аялал жуулчлалын үйлчилгээг хамтад нь эрхлэх олон улсын аялал жуулчлалын үйлчилгээ;
12.1.4.дотоодын аялал жуулчлалын үйлчилгээ.
12.2.Тур оператороор бүртгүүлэхдээ дараах мэдээллийг ирүүлнэ:
12.2.1.аялал жуулчлалын мэргэжлийн ажилтны мэдээлэл;
12.2.2.бүтээгдэхүүн, үйлчилгээний талаарх мэдээлэл;
12.2.3.цахим төлбөрийн баримтын систем, татварын бүртгэл, мэдээллийн нэгдсэн санд холбогдсон талаарх мэдээлэл;
12.2.4.хариуцлагын даатгалд хамрагдсан талаарх мэдээлэл.