28 дугаар зүйл. Соёлын бүтээлч үйлдвэрлэлийн үйл ажиллагааны ил тод байдал
28.1.Соёлын бүтээлч үйлдвэрлэл эрхлэгч, хөрөнгө оруулагч, хамтын удирдлагын байгууллага энэ хуулийн дагуу авсан дэмжлэг, үйл ажиллагааны тухайн жилийн тайлангаа дараа жилийн 1 дүгээр улиралд багтаан соёлын асуудал хариуцсан төрийн захиргааны байгууллагад, төрийн захиргааны байгууллага нь тайланг нэгтгэн соёлын асуудал эрхэлсэн төрийн захиргааны төв байгууллагад хүргүүлнэ.
28.2.Соёлын асуудал эрхэлсэн төрийн захиргааны төв байгууллага энэ хуулийн 28.1-д заасан тайланг тухайн жилийн 2 дугаар улиралд багтаан Засгийн газарт танилцуулна.
28.3.Энэ хуулийн 14.3-т заасан Соёлын бүтээлч үйлдвэрлэлийн бүртгэл, мэдээллийн сангаар дамжуулж соёлын бүтээлч үйлдвэрлэлийн үйл ажиллагааны ил тод байдлыг хангана.
28.4.Соёлын бүтээлч үйлдвэрлэл эрхлэгч, хөрөнгө оруулагч болон хамтын удирдлагын байгууллагын бүртгэл, төрөөс олгосон дэмжлэгийг ил тод мэдээлнэ.