434 дугаар зүйл. Даатгалын гэрээ дуусгавар болох үндэслэл
434.1.Даатгалын гэрээний хугацааг даатгагч, даатгуулагч харилцан тохиролцож тогтооно.
434.2.Даатгалын гэрээ дараахь тохиолдолд дуусгавар болно:
434.2.1.хууль, гэрээгээр тогтоосон хугацаа дуусгавар болсон;
434.2.2.даатгагч, даатгуулагчийн аль нэг дампуурсан, татан буугдсан;
434.2.3.шүүх гэрээг хүчин төгөлдөр бус гэж тооцсон;
434.2.4.даатгуулсан эд хөрөнгийг шүүхийн шийдвэрээр хураасан;
434.2.5.талууд тохиролцож гэрээг цуцалсан;
434.2.6.даатгагч гэрээгээр хүлээсэн үүргээ бүрэн биелүүлсэн.