28 дугаар зүйл. Үйлчлүүлэгчийн эрх, үүрэг
28.1.Үйлчлүүлэгч дараахь эрх эдэлнэ:
28.1.1.энэ хуулийн 7.3-т зааснаас бусад тохиолдолд нотариатчийг өөрөө чөлөөтэй сонгох;
28.1.2.нотариатчийн хууль бус үйлдлийн талаар Танхимд, эсхүл хууль зүйн асуудал эрхэлсэн Засгийн газрын гишүүнд гомдол гаргах;
28.1.3.нотариатчийн буруутай үйлдлийн улмаас хохирол учирвал нөхөн төлүүлэх;
28.1.4.хуульд заасан бусад эрх.
28.2.Үйлчлүүлэгч дараахь үүрэг хүлээнэ:
28.2.1.нотариатын үйлдэл хийлгэх баримт бичгийг үнэн зөв бүрдүүлж өгөх;
28.2.2.нотариатчийн шаардсан асуудлаар амаар, эсхүл бичгээр, эсхүл цахим хэлбэрээр тайлбар өгөх. /Энэ заалтад 2024 оны 01 дүгээр сарын 12-ны өдрийн хуулиар өөрчлөлт оруулсан./
28.3.Үйлчлүүлэгчийн буруутай үйл ажиллагаанаас учирсан хохирлыг нотариатч хариуцахгүй.