21 дугаар зүйл. Тагнуулын ажилтанд хүлээлгэх сахилгын шийтгэл
21.1.Сахилгын зөрчил гаргасан тагнуулын ажилтанд дор дурдсан сахилгын шийтгэл оногдуулна:
21.1.1.сануулах;
21.1.2.албан тушаалын үндсэн цалинг 3 сар хүртэл хугацаагаар, 20 хүртэл хувиар бууруулах;
21.1.3.цэргийн цолыг бууруулах буюу хасах;
21.1.4.албан тушаал бууруулах;
21.1.5.тагнуулын албанаас халах.
21.2.Тагнуулын ажилтны сахилгын дүрмийг Засгийн газар батална.