50 дугаар зүйл. Банкны нөхцөлт удирдлага хэрэгжүүлэх шийдвэр
/Энэ зүйлийг 2018 оны 01 дүгээр сарын 18-ны өдрийн хуулиар өөрчлөн найруулсан./
50.1.Банкны нөхцөлт удирдлага хэрэгжүүлэх тухай Монголбанкны шийдвэрт дараахь зүйлийг тусгана:
50.1.1.банкны нэр, оршин байгаа газар, хаяг;
50.1.2.банкны нөхцөлт удирдлага хэрэгжүүлэх болсон үндэслэл;
50.1.3.банкны нөхцөлт удирдлага хэрэгжүүлж эхлэх болон түүний үргэлжлэх хугацаа;
50.1.4.банкны үйл ажиллагаанд тавих хязгаарлалтын жагсаалт;
50.1.5.бүрэн эрхт төлөөлөгчийн эцэг /эх/-ийн болон өөрийн нэр.
50.2.Монголбанк банкны нөхцөлт удирдлагын арга хэмжээ авсан тухай шийдвэрийг нийтэд мэдээлж болно.