25 дугаар зүйл. Хөрс хамгаалах, сайжруулах үйл ажиллагаа
25.1.Тариалангийн газрын хөрсний үржил шимийг хамгаалах, сайжруулах талаар дараахь үйл ажиллагааг хэрэгжүүлнэ:
25.1.1.энэ хуульд өөрөөр заагаагүй бол үр тарианы үйлдвэрлэлд хөрсийг тэг элдэншүүлгийн болон цомхотгосон технологиор боловсруулах;
25.1.2.тариалангийн талбайг хаших;
25.1.3.ойн зурвас байгуулах;
25.1.4.талбайд сүрлэн хучлага тогтоох;
25.1.5.хөнөөлт организм болон ганд тэсвэртэй нутагшсан, ирээдүйтэй сортын үрээр тариалах; /Энэ заалтад 2024 оны 06 дугаар сарын 05-ны өдрийн хуулиар өөрчлөлт оруулсан./
25.1.6.сэлгээнд буурцагт ургамал тариалах;
25.1.7.эрдэс, органик бордоо, ургамал хамгааллын цогц аргыг хэрэгжүүлэх, төлөвшүүлэх; /Энэ заалтад 2024 оны 06 дугаар сарын 05-ны өдрийн хуулиар өөрчлөлт оруулсан./
25.1.8.усалгааны горимыг мөрдөх;
25.1.9.талбайн түүхэнд хөрс хамгааллын арга хэмжээг тусган хөтлөх.