8 дугаар зүйл. Стандартчиллын баримт бичиг
8.1.Стандартчиллын баримт бичигт дараахь баримт бичиг хамаарна:
8.1.1.Монгол Улсын /цаашид "үндэсний" гэх/ стандарт;
8.1.2.байгууллагын стандарт;
8.1.3.олон улсын болон бүс нутгийн стандарт, удирдамж, зөвлөмж, түүнд нийцүүлэн гаргасан гадаад улсын стандарт.
8.1.4.хотын стандарт. /Энэ заалтыг 2021 оны 7 дугаар сарын 7-ны өдрийн хуулиар нэмсэн./
8.2.Стандартчиллын баримт бичигт зохиогчийн эрх хамаарахгүй.