22 дугаар зүйл. Боловсролын сургалтын байгууллагыг татан буулгах
22.1.Боловсролын сургалтын байгууллагыг дараах тохиолдолд татан буулгана:
22.1.1.үүсгэн байгуулагчийн шийдвэрээр;
22.1.2.зөвшөөрлийг хүчингүй болгосон;
22.1.3.татан буулгах тухай шүүхийн шийдвэр гарсан;
22.1.4.нийт суралцагчийг боловсролын сургалтын өөр байгууллагад шилжүүлсэн;
22.1.5.хуульд заасан бусад.
22.2.Боловсролын сургалтын байгууллагыг татан буулгахтай холбогдох эд хөрөнгийн харилцааг Иргэний хуульд заасны дагуу зохицуулна.
22.3.Татан буугдсан боловсролын сургалтын байгууллага нь сургалтын үйл ажиллагаа эрхлэхтэй холбогдох баримт бичгийг орон нутгийн болон үндэсний төв архивт хүлээлгэн өгнө.
22.4.Боловсролын сургалтын байгууллагыг татан буулгах шийдвэрийг тухайн хичээлийн жилтэй уялдуулж суралцагчийн сурах эрхийг хөндөхгүйгээр эрх бүхий этгээд шийдвэрлэнэ.
БОЛОВСРОЛЫН УДИРДЛАГА