6 дугаар зүйл. Асран хамгаалагчид тавигдах шаардлага
6.1.Асран хамгаалагч дараах шаардлагыг хангасан байна:
6.1.1.18 насанд хүрсэн, эрх зүйн бүрэн чадамжтай;
6.1.2.гэрийн тэжээвэр амьтныг хоол, орон байраар хангах, эрүүл мэндийн тусламж, үйлчилгээнд хамруулах орлогын эх үүсвэртэй байх.
6.2.Нохой, муурын асран хамгаалагч энэ хуулийн 7 дугаар зүйлд заасан сургалтад хамрагдсан байна.
6.3.Иргэн гэрийн тэжээвэр амьтны талаарх ойлголт авах зорилгоор сайн дураараа асран хамгаалагчийн сургалтад хамрагдаж болно.