9 дугаар зүйл. Төрийн тусгай хамгаалалт түр зогсох
9.1.Хамгаалуулагч гэмт хэрэгт холбогдож баривчлагдсан, цагдан хорих таслан сэргийлэх арга хэмжээ авагдсан бол баривчлагдсан болон цагдан хорих таслан сэргийлэх арга хэмжээний хугацаанд түүний төрийн тусгай хамгаалалт түр зогсоно.
9.2.Хамгаалуулагч гэмт хэрэг үйлдсэн нь нотлогдож, шүүхийн шийтгэх тогтоол хүчин төгөлдөр болсон бол хорих болон баривчлах ял эдлэх хугацаанд, зөрчил үйлдсэн нь тогтоогдож шүүхийн шийдвэр хүчин төгөлдөр болсон бол баривчлах шийтгэл эдлэх хугацаанд түүний төрийн тусгай хамгаалалт түр зогсоно.
9.3.Энэ хуулийн 9.1, 9.2-т заасан тохиолдолд шүүхийн холбогдох шийдвэрийн хувийг тухайн шүүх төрийн тусгай хамгаалалтын байгууллагад нэн даруй хүргүүлнэ.
9.4.Төрийн тусгай хамгаалалт түр зогсох нь хуульд заасан төрийн тусгай хамгаалалтад байх хугацааг нөхөх үндэслэл болохгүй.