85 дугаар зүйл. Барааг дотоодын хэрэглээнд зориулан боловсруулах горимын агуулга
85.1.Барааг дотоодын хэрэглээнд зориулан боловсруулах горимын дагуу энэ хуулийн 82.1-д заасан горимд байршуулах зорилгоор шаардагдах бичиг баримтыг үндэслэн гадаадын барааг гаалийн нутаг дэвсгэрт түр хугацаагаар оруулна.
85.2.Энэ хуулийн 85.1-д заасан боловсруулах үйл ажиллагаанд дараахь үйл ажиллагаа хамаарна:
85.2.1.тухайн барааг боловсруулах, эсхүл баяжуулах;
85.2.2.тухайн бараагаар шинэ бүтээгдэхүүн үйлдвэрлэх.