22 дугаар зүйл. Шинжилгээний адилтгал, мэдээллийн сан, түүний төрөл
22.1.Шинжилгээний байгууллага шинжилгээ хийж, дүгнэлт гаргахад шаардлагатай шинжилгээний адилтгал, мэдээллийн сантай байна.
22.2.Шинжилгээний адилтгал, мэдээллийн сан нь нэгдсэн болон төрөлжсөн сангаас бүрдэнэ.
22.3.Шинжилгээний адилтгал, мэдээллийн нэгдсэн сан дараах мэдээллээс бүрдэнэ:
22.3.1.гарын мөрийн;
22.3.2.галт зэвсгийн, хонгио, хошууны;
22.3.3.генетик мэдээллийн;
22.3.4.үнэлгээний мэдээллийн;
22.3.5.экологийн шинжилгээний сан.
22.4.Шинжилгээний адилтгал, мэдээллийн төрөлжсөн сан дараах мэдээллээс бүрдэнэ:
22.4.1.бичиг баримтын;
22.4.2.үнэт цаас, мөнгөн дэвсгэртийн;
22.4.3.тамга тэмдэг, түүний дардасны;
22.4.4.гутлын мөрийн;
22.4.5.тээврийн хэрэгслийн мөрийн;
22.4.6.нэр, хаяг тодорхойгүй цогцосны мэдээллийн;
22.4.7.шүүх дүрс оношилгооны мэдээллийн;
22.4.8.бусад.