9 дугаар зүйл. Хархорум хотын нутаг дэвсгэрийн бүсчлэл
9.1.Хотын нутаг дэвсгэр Хот байгуулалтын тухай хуулийн 13.1-д зааснаас гадна дараах бүсчлэлтэй байх бөгөөд бүс нь тусгайлан баталсан бүсчлэлийн дүрэмтэй байна:
9.1.1.археологийн судалгааны бүс;
9.1.2.нийгмийн дэд бүтцийн бүс;
9.1.3.тээвэр, логистикийн бүс;
9.1.4.инженерийн дэд бүтцийн бүс;
9.1.5.хамгаалалтын бүс;
9.1.6.холимог ашиглалтын бүс;
9.1.7.нөөц бүс /цагаан газар/.
9.2.Энэ хуулийн 9.1-д заасан бүсчлэлийн дүрмийг хотын хөгжлийн ерөнхий төлөвлөгөөгөөр нарийвчлан тодорхойлно.
9.3.Бүсчлэлийн дүрэмд тухайн бүсэд зөвшөөрөгдөх үйл ажиллагааны төрөл, барилга байгууламжийн хэмжээ, байршил, барьж болох барилгын зориулалтыг тусгана.