20 дугаар зүйл. Сонгуулийн автоматжуулсан систем ашиглан үйлдсэн баримт бичгийн үнэн зөв байдлыг хангах
20.1.Сонгуулийн автоматжуулсан системийн мэдээллийн санд цаасан дээр үйлдсэн болон цахим хэлбэрээр үйлдсэн бүх баримт бичгийг оруулна.
20.2.Сонгуулийн автоматжуулсан системийн мэдээллийн санд цаасан дээр үйлдсэн баримт бичгийг оруулсан бол түүнийг цахим хэвлэх төхөөрөмжөөр хэвлэн гаргаж зохих албан тушаалтан гарын үсэг зурсан хувийг албан хэрэгт хадгалах бөгөөд мэдээллийн санд цахим хэлбэрээр үйлдэж цахим гарын үсэг зурсан баримт бичгийг оруулсан, түүнчлэн цахим хэлбэрээр баримт бичиг үйлдсэн бол энэ тухай тусгай бүртгэл хөтөлнө.
20.3.Сонгуулийн цахим баримт бичгийг дээд шатны сонгуулийн хороонд дамжуулахын өмнө уг баримт бичиг бүрийн цахим гарын үсгийг шалгаж, энэ тухай тэмдэглэл үйлдэнэ.
20.4.Энэ хуулийн 20.3-т заасан тэмдэглэлийг цахим хэвлэх төхөөрөмжөөр хэвлэн, сонгуулийн доод шатны хорооны зохих албан тушаалтан гарын үсэг зурж, тусгай бүртгэл хөтлөн хадгална.
20.5.Дээд шатны сонгуулийн хороо хүлээн авсан цахим баримт бичгийн цахим гарын үсгийг шалгаж, энэ тухай тэмдэглэл үйлдэх бөгөөд уг тэмдэглэлийг цахим төхөөрөмжөөр хэвлэн гаргаж, хүлээн авсан албан тушаалтан гарын үсэг зурж, тусгай бүртгэл хөтлөн албан хэрэгт хадгална.
20.6.Сонгуулийн хороодын хооронд цахим баримт бичгийг дамжуулан өгөх, хүлээн авах, шалгаж бүртгэх, хадгалах, цахим гарын үсэг ашиглах журмыг Сонгуулийн ерөнхий хороо баталж мөрдүүлнэ.
СОНГУУЛИЙН АВТОМАТЖУУЛСАН СИСТЕМИЙН АЮУЛГҮЙ БАЙДАЛ, АШИГЛАЛТАД ТАВИХ ХЯНАЛТ