42 дугаар зүйл. Дуудлагын худалдааг хууль зөрчин явуулсанд тооцох
Дор дурдсан үндэслэлийн аль нэг байвал дуудлагын худалдааг хууль зөрчин явуулсан гэж тооцно:
1/ товлон зарласан цагаас өмнө буюу эсхүл 1-ээс дээш цагаар хойшлуулж эхэлсэн;
2/ товлон зарласнаас өөр газар явуулсан;
3/ үнийн саналын дарааллыг алдагдуулсан;
4/ хорооны төлөөлөгчгүйгээр эхэлсэн, явуулсан;
5/ үнийн санал хэлж дуусаагүй байхад буюу дохио өгөөгүйгээр хаасан;
6/ үнэ хаялцуулахад хөтлөгч ба хорооны төлөөлөгч, эсхүл бүртгэгдээгүй этгээд оролцсон;
7/ дуудлагын худалдааны зарлалд заасан бусад болзлыг зөрчсөн.