5 дугаар зүйл. Биржийн чиг үүрэг
5.1.Бирж нь дараах нийтлэг чиг үүргийг хэрэгжүүлнэ:
5.1.1.биржийн арилжааг зохион байгуулах;
5.1.2.биржийн байнгын гишүүн оролцогчид суудлын эрх олгох;
5.1.3.биржийн байнгын бус гишүүн оролцогчид биржийн арилжаанд оролцох зөвшөөрөл олгох;
5.1.4.энэ хуулийн 4.5-д заасан жагсаалтад орсон бараа, түүхий эдийг экспортод гаргах тохиолдолд биржээр арилжсан тухай тодорхойлолтыг Худалдаа аж үйлдвэрийн танхимын тухай хуульд заасан экспортын барааны гарал үүслийг гэрчлэх эрх бүхий байгууллагад хүргүүлэх;
5.1.5.биржийн арилжаанд оролцогчийг сургах, мэргэшүүлэх, итгэмжлэл олгох;
5.1.6.биржийн арилжаанд оролцогчийг шаардлагатай мэдээллээр хангах;
5.1.7.энэ хуулийн 4.5-д заасан жагсаалтад орсноос бусад нэр төрлийн бараа, түүхий эдийг биржээр арилжих жагсаалтыг батлах;
5.1.8.биржийн арилжаанд оролцогчийн хүсэлтээр бараа, түүхий эдийн чанар, тоо хэмжээг хянан баталгаажуулж магадлагаа гаргах;
5.1.9.биржийн арилжааны явцад зохиомлоор үнэ өсгөх, бууруулах оролдлого хийж байгаа эсэхэд хяналт тавих, таслан зогсоох;
5.1.10.нэг хэлцлээр арилжих бараа, түүхий эдийн доод хэмжээг тогтоох;
5.1.11.стандартын шаардлага хангасан агуулах, тээврийн байгууллага, лабораторит итгэмжлэл олгох.
5.2.Бирж нь биржийн арилжааны зах зээлд оролцогчдын нийтлэг үйл ажиллагааг зохицуулсан дор дурдсан журмыг энэ хуулийн 8.1-д заасан Биржийн зохицуулах зөвлөлөөр хэлэлцүүлэн баталж, мөрдүүлнэ:
5.2.1.бараа, түүхий эдийг бэлтгэх, хаяглах, хадгалах, тээвэрлэх;
5.2.2.бараа, түүхий эдийг бүртгэх;
5.2.3.бараа, түүхий эдийг агуулахад хүлээн авах;
5.2.4.биржээр арилжих гэрээний стандарт тогтоох, мөрдүүлэх;
5.2.5.биржийн арилжааг зохион байгуулах;
5.2.6.биржийн арилжааны үнэ бүрдэлтэд хяналт тавих;
5.2.7.биржийн арилжааны төлбөр тооцоо хийх;
5.2.8.энэ хуулийн 4.3-т заасан мэдээллийн сан бүрдүүлэх, ашиглах;
5.2.9.биржийн арилжаанд оролцогчийн үйл ажиллагааг зохицуулах;
5.2.10.энэ хуулийн 5.1.11-д заасан агуулах, тээврийн байгууллага, лабораторит итгэмжлэл олгох;
5.2.11.биржээр арилжих бараа, түүхий эдийн гарал үүсэл, чанарыг баталгаажуулах;
5.2.12.биржийн дэнчингийн хувь хэмжээг тогтоох;
5.2.13.баталгааны санд биржийн дэнчин байршуулах, үүргийн гүйцэтгэлийг хангуулах;
5.2.14.бусад.