17 дугаар зүйл. Улсын бүртгэлд бүртгэхгүй эм
17.1.Улсын бүртгэлд дараах эмийг бүртгэхгүй:
17.1.1.өвөрмөц хоргүйсүүр, тархвар судлалын заалттай биобэлдмэл;
17.1.2.бүртгэлийн дээж;
17.1.3.судалгаа, шинжилгээ, эмнэлзүйн туршилтад хэрэглэх эм;
17.1.4.хандив, тусламжийн эм;
17.1.5.үзэсгэлэнд танилцуулах эм;
17.1.6.гамшгийн болон нийгмийн эрүүл мэндийн ноцтой байдлын нөхцөл үүссэн үед хэрэглэх эм, вакцин;
17.1.7.иргэний хувийн хэрэглээний зориулалтаар улс хоорондын шуудан илгээмжээр хүлээн авсан болон зорчигчийн хувийн хэрэглээний эм;
17.1.8.эмчийн бичсэн жорын дагуу эмийн санд бэлтгэсэн эм.
17.2.Энэ хуулийн 17.1.2, 17.1.3, 17.1.4, 17.1.5, 17.1.7-д заасан эмийг худалдан борлуулахыг хориглоно.